Iraq khuapi pakhat a simi Mosul cu ISIS nih an khuapi ah an ser i, a tu hi Iraq ralkap le US ralkap nih an phomh cuahmah lio hna a si. Syria khuapi pakhat a simi Raqqa hi ISIS nih an khuapi an ser than i, US le Syrian raltho bu nih an doh cuahmah lio hna a si ve.
Asinain ISIS nih an khuapi ah an sermi Raqqa cu an zam tak than i Deir ez-Zor khua ah hram an dirh than tiah theih an si. Raqqa in meng 90 aa hlatmi khua a si an ti. US le Syrian raltho pawl nih fak chin lengmang in an doh hna caah an celh ti lo.
Khuapi thar ser than ding in Deir ez-Zor leiah an zam chin lengmang cang. Khuapi thar kan sermi ah hin kan donghnak ral kan doh cang hna lai an ti tiah US TV Network Fox nih a chim. November thla ah khan US Special ralkap nih an rak phomh hna i mah hnu cun ISIS thazaang a zor ngai an ti.
US nih special ralkap an i chiahmi an um i a herhnak caan tete ah an hmanmi hna an si. Zaraan ralkap bantukin ral a domi an si lo. Zantim tbk le a thlithup tbk in tapung umnak ah an lut i a va dohtu hna an si. Zapi nih an cawlcangh le zeidah an tuah timi theih khawh an si lo. Raqqa i ISIS an kahnak cu Operation Euphrates Rage tiah an auh.
ISIS zong an donghnak lei an panh cang. Taliban he pehtlaihnak an ser cang ti zong theih an si. Hi hna pahnih hi pehtlaihnak an ser i hmun khat ah an um ti khawh ahcun fawi tein tei an har cang lai an ti. Syria buainak cu fawi lebai ah dongh khawh dawh in an chim lo. Ref: The sun.