North Korea ah petrol man van tawng in a kai manh cang tiah ramchung minung nih an chim. Gas dawr zeimawzat hna ahcun cozah riantuantu upa lawng pek an si. North Korea nih zinaan a lak biknak cu Taluk in a si.
South Korea's IBK Bank i expert pakhat nih a chimmi cu Taluk nih a zinaan tilawng a thlahpiak lo ahcun North Korea cu mi zeng bantukin men a si ko lai tiah a chim. Cho Bong-hyun nih a chim thanmi cu 'Taluk nih a phih taktak ahcun amah tein thla thum chung a nung kho lai lo a ti.
A chim thanmi cu North Korea caah tluknak a si lai i Taluk zong fak piin a tlakter ve khomi a si a ti. Taluk nih North Korea sinah zinaan a kuatmi kong hi a chim bal lo nain kum tin in tun 500,000 hrawng lenmang a kuat. Washington in Bonnie Glaser nih a chimmi cu 'Taluk cawlcangh hi caan karlak te lawng a si ko lai.
Hi bantukin Taluk nih North Korea a renghmi hi North Korea cungah a fak bik dan a tatmi a si a ti. Taluk State media Global Times nih a tialmi cu 'Taluk nih a rengh ko nain North Korea mipi harsatter tuk ding cu a duh lo' tiah a tial.
Global Times nih a tial chihmi cu US nih North Korea a kah ahcun Taluk nih North Korea a renghmi hi a donghter colh lai. Biaruahnak dah ti lo cu ralkap lam cu Taluk nih kan duh lo tiah a tial chih. Ref: The Express.