Vawleicung nu ah tennis tuk thiam bik Serena Williams cu Reddit co-founder Alexis Ohanian he hamnak an tuah lawng si loin nau a pawi cang tiah theih a si i, Williams zong lunglawmhnak in a khat cang. Asinain a pawimi fate an soipiakmi cungah a thinhung kho tuk.
Kum 70 Romania's Fed Cup Ilie Nastase nih Serena Williams 35, nau pawimi te cu 'cawhnuk le chocolate cawhmi a lo ko lai lo maw?' tiah comment a tial. Mi nak le vun rang fa cu zeidah a lawh te hnga ti khi a chim duhmi a si.
Williams le a tlangval pa cu an thinhunter ngai hna. Williams nih a chimmi cu 'miphun thleidannak a ngeimi Llie Nastase tbk minung nih society ah hi bantuk comment an tialmi cu ka hnabei a dong ngai ko' tiah a chim.
The International Tennis Federation (ITF) nih hlathlainak an tuah cuahmah lio a si. Williams nih lunglawmhnak zong a chim. A pawimi a fate cung zong ah lunglawmhnak a chim. 'Thazaang na ka pek. Nun dawhnak le daihnak sullam na ka cawnpiak. I ton lai kaa ngaih tuk cang' tiah a chim. Ref: BBC News.