United Airline in Houston in Calgary ah zuangmi minung pakhat cu zarhpini ah Scorpion nih a seh. Cu ni thiamthiam ahcun hramhram in a thutnak hmun in Dr. David Doa an chuah kha a si. Ni khat chungah United Airline nih thilcang pahnih an tong.
Scorpion a rak chuahnak hi hrawl chungin a si i, aa citmi Richard Bell lu cungah a rak tla. Chuncaw a ei lio a si i, zeidah a si hnga tiah a tlaih i a kheng chungah a rak tla than. A mei in a tlaih i a seh tiah a nupi Linda Bell nih CNN ah a chim.
Vanlawng chungah zeitin dah a luh ning a si an thei lo. Tuan deuh ah khan Costa Rica in Houston ah a rak zuangmi a si. Richard le a nupi Bell hi vacation an tlawnnak in an rak tlun a si. Bell nih a chimmi cu vanlawng chung riantuantu pakhat nih scorpion cu a lak i toilet ah a hlonh tiah a chim.
Nithumni ah United Airline nih a pasal Richard Bell an rak chonh i a tonmi kongah cawiliamhnak an tuah tiah a nupi Linda nih a chim. Asinain zeitin dah cawiliamhnak an tuah timi fianternak a tuah lo. Vanlawng chungah Scorpion nih minung a seh ti hi a um tuk lem lomi a si.
2015 ah Alaska Airline cu Los Angeles in Oregon i Portland leiah a rak zuang i vanlawng chungah Scorpion nih nu pakhat a rak seh bal cang ti a si. Ref: CNN News.