North Korea thihpheih awk le hlathlai awk ah thlahmi US raltuknak vanlawng cu rili ah a tla. US raltuknak tilawng USS Carl Vinson in an thlahmi a si i, Philippines rili Celebes Sea leiin a rak kir leiah tla ti a si.
US ralkap lei nih an chimmi cu 'khawndennak a um lo. A mongtu zong a chuak man. Dam tein kan char khawh ko' tiah an chim. Fiang deuh in chim-phuannak an tuah lo. President Trump nih kan raltuknak vanlawng phurtu tilawng North Korea leiah kan thlah tiah a rak chim.
A hnuah an theih thanmi cu Indian rili ah an rak um lio a si. South Korea rili leiin cun meng 3,500 hrawng a rak i hlat. Cu chungah a raltuknak vanlawng F-18 an thlahmi cu tum aa timh leiah rili cungah a tla. Zeiruangah dah a tlak? Zeitik ah dah a tlak timi an langhter lo.
South Korean caan karlak President Hong Joon-pyo zong nih Trump cu a mawhchiat len. Raltuknak tilawng ka rak thlah lai a ti i, a rak thlah than lo tiah a zailen. South Korean newspapers cahmai cung zong ah 'Carl Vinson lihchimnak' tiah ca an tial.
President Hong nih a chim thanmi cu Trump a chimmi paoh kan zum ti lai lo a ti. Trump nih a chim lioah cun 'a thawng tukmi kan raltuknak tilawng 'Armada' ka rak thlah lai. Kan raltuknak vanlawng phurtu tilawng naak in a let in a thawng deuhmi a si' tiah a rak chim. Asinain a taktak ahcun a rak thlah lo an ti. Ref: The sun.