Vawleicung ah aho ram dah lainawng bik an si tiah research an tuah. Amnesty International nih report an tialmi cu 'Taluk hi vawleicung ah thihdan a pe i, kum tin in a ramchung minung a that tam cem a si' an ti. Taluk cozah nih a ramchung minung thihdan a pekmi hi an tam tuk lengmang.
Report ah an tial thanmi cu 'kum fatin in Taluk nih a ramchung minung sual a phawt hna i a thahmi hna hi a thong leng lengmang an si a ti. Zeizat dah kum khat ah an thah hna timi cu Taluk cozah zong nih an langhter lo. A thlithup thil bantukin an chiah lengmang.
Taluk changtu ah Iran, Saudia Arabia, Iraq le Pakistan hna hi an si. 2006 hrawng tiangah khan cun US hi a ramchung minung a that bikmi a ram nganak ah a rak i tel. Asinain tutan ahcun a pasarihnak leiah a um cang. An report nih a tial thanmi cu 'thihdan pek hi 2016 hnu cun a zor ngai cang an ti.
Taluk tu hi amah ning lengmang ah a um. Vawleicung ah thihdan pek ah hruaitu si peng a duh caah a si lai tiah Amnesty International General Secretary Salil Shetty nih cun a chim. Ramdang naak in thihdan an pekmi hna hi a tam deuh zungzal tiah a chim chih.
Ni kum ah minung 2,000 hrawng Taluk nih a thah hna tiah San Francisco-based human rights group Dui Hua nih an report. International Communty nih Taluk thihdan peknak hi an doh lengmang. Executive director John Kamm nih a chimmi cu 'Taluk thihdan pekning hi cu ram caah ningzah phurtu a si' a ti. Ref: The sun.