Vui kong hi tampi kan theih cang i dawtnak an rak ngei i, saram dang vialte hna naak in zawnruahnak an rak ngei kho cem. Pakhat le pakhat an i dirkamh zungzal. Harnak pakhat nih a ton tikah an i chanhchuah lengmang.
Malawi i Liwonde Nationak Park ah a ummi vui hna kong hi tial a phu ngai. Tiva ah tidin awk ah an rak ra hna i tisaartlam nih a rak bawh ziar hna. Ti cu an vun ding hna i ruah lo piin ti chungin tisaartlam nih a vun zuan hnawh hna i vui pakhat cu a nawr ah a seh. Fek thup in a tlaih tikah vui cu aa tap cang.
Vui cu a cawl len nain tisaartlam nih a thlah duh ve lo. Sau deuh vun rau seh law a celh ti hnga lo i tisaartlam rawl ah a cang hnga, asinain a hawile vui dangdang hna cu an rak kir than i, tisaartlam cu an vun zuan hnawh. An thawl diam. Mah hnu lawng ah vui cu a luat kho.
Saram dang cu si hna seh law kha ni ah an hawi dawt cu an zam tak hnga i tisaartlam rawl ah a cang ko hnga, asinain vui cu an hawile cungah zawnruahnak le dawtnak an rak ngeih caah an rak kir than hna an hawi te cu an chanhchuah than. Ref: The sun.