Dum a sermi chungkhar company pakhat ah rian a tuanmi ka si. A herh caan paoh an ka auh i ka kal lengmang. An motor ka monghpiak chel hna; an uico ka zohpiak chel hna; ka boss pa ka va lak chel a si. A nupi ka monghpiak chel a si. Voikhat cu ka boss pa birthday party kan tuah.
A nupi hi a let cheu hrawng in a no deuh i kum 30 hrawng lawng a si. Tamhmuiah le thilri ah aa hlo cikcek vemi a si. Muidawh, tamh le thilri le nuamh hi a pakhatnak ah a ruah khawhmi hna an si. Aa dawh hrimhrim tikah a tangka dihmi zong an phu ko. Voikhat cu ka boss pa kum 50 tlin kum birthday a si.
Sunglawi taktak in a kan dangh. Nightclub ah kan choi hna i din cawk loin beer cu kan hmaiah a pon thup hna. Kan phomh ciammam hna i kan lung zong a fim hna lo. A nuam kan ti kho tuk hna. Ka boss cu a ba cang i kaa din lai tiah a tin chung. Na pi hi rak tin pi te tiah a ka cah tak i a tin diam.
Kanmah pahnih le chungkhar dangdang kan tang hna. Kan i nuam i kan laam hna. Leng chuah i thli dawp ka duh a ka ti i ka chuah pi. Beer nih a tongh pah ve cang i lungfim lo nawn a ka hnamh thluahmah. Ka cei pah cang. Na inn khaan ah ka kal pi a ka ti i, aa hlat lo caah ka inn khaan ahcun kan kal.
Coffee hna ka tuahpiak i a ding. Mah hnu cun a duhnak tuahpiak ding dirhmun ah ka um cang. Tuah ding in a ka sawm cang. Hrial khawh zong a si ti lo; al awk zong a tha ti lo. Kan phomh lawlaw. Aa nuam kho tuk ve; kaa nuam kho tuk. A nuam bik ah a ruah i ka ruah ve. Kan dih hnu tiang ah tin a zuam ti lo.
Riah ding in a ka chimh than, asinain a tlai cang caah ka boss a nuam ti lai lo tiah ka tin pi than. Keimah zong ka lungthur peng i ka boss pa hmai ka khap ti lo. Ka boss nih a theih ahcun ka rian zong a ka phuah lai; a nupi le amah karlak ah thil poipang tiang a cang khomi a si. Ka lungre a thei lengmang. A lem ciammam i a rem caan le a duh paoh ah a ka tuah pi cang.
Ka pi biaal ka ngamh fawn lo tikah dong loin a ka tuah pi lengmang cang. A duh caang ahcun Boss hlen zong aa tha lo. Cuticun nuamhnak a ka hman cang. Kaa nuam tuk ko nain ka lungretheih he aa tluk cang. Zeitin dah ka tuah lai?
Minung pakhatnak nih ruahnak a pekmi cu 'na boss nih an zumh i an bochan. Asinain atu na dirhmun a theih ahcun zeitik hmanh ah an zum ti lai lo. Na ngaichih tuk fawn te lai. Nan thawngpang a langh hlan in donghter i zuam ko.'