Nikhatni ah WWE nih Braun Stroman cu a kio operation tuah ruangah thla ruk chung WWE ah a ra kho rih lai lo tiah thawngthanhnak an tuah. Roman Reigns he an i phomhnak ah fak ngaiin a kio aa hrawh. Motor khaar a pahnak khan fak ngaiin aa khawn cang.
Zahan zarh Roman Reigns nih fak ngaiin thutden he a phomh chih len hnu khan cu a cei ngai cang ti a fiang. Amah zaam in a zaam thluahmah. Doctor sin a phanh ahcun a chunglei in a kio ruk a rawk ti a si. Zahan zarh nilini ah khan operation an tuah. Thla ruk chung cu aa dinh a hau ti a si.
Braun Stroman hi WWE ah a minthang chin lengmang. Roman Reigns changtu ah an ruah cangmi a si. WWE nih Roman Reigns le Braun Stroman tbk minung an ngeih hna tikah an company a thangcho chin lengmang. Minung an tamter kho zungzal.
August ah Summerslam a um lai. Braun Stroman caah cun ruahchannak a um ti lo. WWE caah sungh ngai taktak a si lai. Sizung a umnak in twitter ah ca a rak tialmi cu 'na hmaiah zeidah a um timi na thei lo. Kan puai a dih rih lo' tiah Roman Reigns sinah bia a vun cah.