Nan Zate Sinah:
President nih FBI Director hi zeitik poah or a zeiruang paoh ah a phuah khawh hna timi ka zumh lengmangmi a si ko. Biachahnak a tuahmi or a ka phuahmi kongah ah ka ruat ti lai lo.
Nanmah zong nih nan rak ruat lai lo tiah ka ruah. A dih cang i keimah zong ka zei hmanh a poi lo. Asinain belte in nan zate in nan siah kan riantuanmi a si ah ka vun in ngai tuk hringhran hna lai.
A hlan zong ah kan chimh cang hna, hi bantukin buainak nih an kan zelh caan ah American mipi nih FBI hi lung bantukin a thawngmi, a dingmi le amah tein rian a tuanmi an si hi an hmuh awk a si.
FBI chuah tak a har khunmi cu lung bantukin America a kan sertu FBI riantuantu hna sining le thiamnak ruangah hin a si. Thil hmaan tuah ding in aa sehchih cangmi mibu (FBI riantuantu) hna chuah tak ding cu a har ko.
Kan sunhsakmi phung le American mipi runven ding le kan phunghram cawisan ding in nan rak pehzulh ko lai timi ruahchannak ka ngei.
Nan tuah ahcun American mipi zong an him deuh lai i, FBI nan chuah tak caan a phanh ve tik zong ah nan ngaihchia ve te lai.
Nanmah he riantuan ti hi ka nunnak ah kaa nuamh bikmi a si. Hi laksawng ruangah nan cungah kaa lawm tuk.
Jim Comey