Businessman Donald J. Trump politcs a luh i President aa cuh i teinak a hmuhmi nih American in vawleicung tiang in khuaruahhar in a tuah dih hna. WWE Superstar minthang 'The Rock' tiah a min din in an uahmi Dwayne Johnson nih President tuan kong a chim cang.
The Termonator Arnold Schwarzenegger zong California state uktu (Governer) a rak tuan ko. WWE Superstar The Rock zong Inn Raang office ah a thu kho lai lo ti kan chim kho lo. Trump zong a thut khawh ahcun The Rock zong a thu kho ve ko lai lo maw?
Dwayne Johnson hi politics luh aa timhnak caan a sau cang. Mipi tampi nih an forh i kan in dirpi lai an ti. A herh ahcun President Trump zong Inn Raang in kan chuah lai an ti. WWE a rak um lio kong a thei i a zoh tawnmi nih cun The Rock hi an theih ngai lai. WWE zong ah a man sang cem pakhat a rak si.
Capo a thiam, biachim a thiam i, mipi nuamhter zong a thiam i an uar taktakmi a si. Fans zong rel cawk loin a ngei cang. Hollywood minthang pakhat zong a si tikah politics ah lut seh law The Rock hi Obama bantukin an uar tuk ding a si than. Amah hrimhrim hi mitha a si.
The Rock nih a chim cang. President cuh ding in ka ruah cuahmah lio a si a ti. GQ biahalnak ah a chimmi cu 'a si kho cangmi a si' tiah a chimh hna. 'Ahodah hruaitu tha deuh a si. Ahodah hruaitu lianngan deuh a si timi kan zoh te hna lai cu" tiah a leh hna.
Mi tampi nih an theih cang. The Rock zong nih mipi ruahnak a hmuh tikah a lungchung in timhnak zong a ngei i a cohlan chin lengmang cang. 2020 ah cun The Rock bell tum ding in timh cia kan si cang tiah zeimawzat nih cun an chim cang. Ref: The Express.