A zafang tein zudin le beer din a tha an rak ti lengmangmi hi an rak perhhleimi a si tiah study thar nih cun a phuah cang. Ni khat ah voikhat te- voihnih te a si ko kan rak timi hi kan lung (heart) caah a rak tha hrimhrim lai lo tiah study thar nih cun a phuan.
Kum khua in a upa cangmi nih a zafang tein zu an din tawn i a ding lomi naak in an ngandam deuh an rak ti tawn. Zu kha that kan rak pek tawn. Asinain zu a ding lo timi hna kha an rak din tuk cang ruangah a that lo an theih tuk i a ngolmi an si - tam deuh cu!
A zafang tein zudin a tha an timi hi an perhhlei bia a si i, a dingmi paoh cu an rak i ngaichih dih cio ko hna. Doctor Tim Stockwell nih a chimmi cu 'ni khat ah voikhat te - voihnih te a timi hna khi an chim sawhsawh bia a si. Thatnak a pe hrimhrim lo' a ti.
Ka theihnak ah tam deuh cu an kum khua an upat hnu cun an zudin an thlak thluahmah ko hna. A i lanh pi kho hrim lo. Ngandam lonak nih a vun tlunh cang hna ahcun nun maw na duh thih dah na duh; na duhmi i thim ti bantuk a si ko a ti. Cucaah an kum a upat hnu cun an zudin an thlak thluahmah ko a ti.
'A zafang tein zudinnak nih ngandamnak a chuahter an timi hi an i ruah palh caah a si. A zafang tein zudin le ngandamnak hi aa tlai lomi a si. A hmaan lomi ruahnak a si' tiah a chim.
British i Victoria University i a team pawl nih an hmuhmi cu 'ni khat ah voikhat-voihnih hrawng lengmang a dingmi cu lung zawtnak a ngei deuh, asinain a ding bal lomi cu an ngandam deuh ko' tiah an hmuhmi an phuan. An hlatmi cu Journal of Studies on Alcohol and Drugs ah an chuah. Ref: The Express.