Lam pakhat ah motor pahnih cu keh-orh in an kal. An kal lengmang hnuah lam teng an phan i keh-orh veve ah a pial ding an si cang. Asinain keh leiah pial a duhmi kha orhlei ah a um i orhlei ah pial a duhmi kha kehlei ah a um ve.
An pahnih in an pial veve i an i pah diam. Motor a nakmi le a raangmi an si. An i pahnak hi South Yorkshire i Sheffield khua ah a si. Ahodah a palh tiah fak ngaiin online kip ah biaalnak a chuahter.
Cheukhat nih an chimmi cu motor a naakmi nih a kianh i a raangmi kha a kalter hmasa hnuah a kal ve ding a si an ti.
Cheukhat zong an chim thanmi cu a raangmi nih a kianh i a naakmi motor a lanh hnuah a kal ve ding a si an ti. Cheukhat nih cun an pahnih in an palh veve an ti. Ahodah an hmaan i ahodah an palh timi theih a si lo.
Video zoh tikah a naakmi motor hi hmaiah a um i a raangmi kha hnu in rang ngaiin a rak ra. Lam pialnak caan an phanh veve aa khat i an pial duhnak veve lei kal an i timh ah an i pah hi a si. Hi bantuk dirhmun ah phan ve law zeitin dah na ruah lai?