US official nih an chimmi cu ISIS kut ah tihnungmi hriamnam a um cang tiah an chim. Iraq le Syria scientist hna bawmhnak in tihnung hriamnam (Weapon of Mass Destruction) an ngei cang. Million in minung nunnak caah an tihnung cang tiah an chim.
US sungthoh bu zong nih an zumhmi cu ISIS nih hin tihnung hriamnam (WMD) an ser cang an ti. Tuan deuh zong ah ISIS nih chemical hriamnam an hmannak an rak chim. Atu hi a hmaan ko ahcun a tihnung ngai cang lai an ti. An sernak hi Syria ramchung ah a si lai tiah an zumh fawn.
Nithumni ah US official nih an chim tiah CNN nih an chimmi cu Syria lawng si loin vawleicung ram kip zong an phanh pi te lai an ti. CNN nih an chim thanmi cu US official zong nih fiang ngaiin an chim kho rih lo tiah a chim chih.
April thla chung lawng hmanh ah chemical hriamnam an hmanmi a tam tikah an zum ti hna lo. ISIS nih tihnung hriamnam a ser ko lai tiah American sungthoh zong nih an hlat than cuahmah lio a si. April 16 i Mosul ah an i kah lioah ISIS nih Chlorine le Mustard gas an rak hman. Ref: The sun.