Laimi hlasak thiam lakah a aw zong a tha, a thiam i a aw zong fiang tein a chuah kho i ngaih zong a nuam bak ka timi cu Esther Van Hnem Sung hi a si. A hlasakmi kip an tha i, cawlcangh zong a thiam i, a mithmai zong a panh kho lengmang.
A mui zong hi American hlasak thiam Carrie Underwood he an i lo tuk. Hlasak thiam veve fawn; mui zong lawh veve fawn hi khauruahhar ngai an si. Mui zong dawh; hlasa zong thiam chih timi hi mi tlawm te lawng nih an ngeihmi a si.
Carrie Underwood nih a sakmi lakah a minthang taktakmi pakhat cu 'Jesus, Take the Wheel' timi a si. Esther Van Hnem Sung nih a sakmi lakah an duh cemmi cu 'Kei Ka Ai ah Bawi Jesuh Thisen A Luang' timi hla hi a si. A tha i a thiam lawlaw khi a si.
Laimi hlasak thiam lakah love song zong a sa lo an timi nusal tha a si. Love song sak duh lo i Pathian hla lawng a sami hi zohchun tlak taktak an si. Mizoram khi Pathian hla lawng a sami an tam ngai cang. Pathian a theimi cu love song an sa duh hna lo. Zohchun tlak an tam ngai.