Nilini ah North Korea nih Taluk cu 'red line' na tan cuahmah cang tiah ralrinnak a pek. Kan i pehtlaihnak biapi ah chia loin US duhnak tu nan laampiak hna caah kan i pehtlaihnak 'red line' na tan cuahmah cang. Kan i pehtlaihnak hrawh naa tim cang a ti.
North Korea media Rodong Sinum nih a tialmi cu 'kan nuclear program kan ngol lai lo. 'US duhnak in na laam chin lengmang cang' tiah hawi tha cem a ngeihmi Taluk cu fak ngaiin a soisel. Nithumni ah Taluk media ngan bik Global Times he an i phomh len cang.
Global Times le People Daily zong ningcang loin catial hmang hlah u. Kan ram hnih pehtlaihnak nan hrawh chin lengmang cang tiah ralrinnak a pek hna. Global Times nih a tialmi cu 'North Korea nih nuclear program nan ngol lo ahcun dantat nan si lai' tiah a tial.
North Korea media Rodong Simum nih a tialmi cu 'Taluk he kan i pehtlaihnak kongah 'red line' kan tanmi a um rih lo. Taluk tu nih hin kan i pehtlaihnak nan tuaitam lengmang i, congornak ngei loin kan i pehtlaihnak 'red line' nan tan chin lengmang cang' a ti.
Taluk media nih an tial thanmi cu 'North Korea nuclear program hi Taluk caah tihnung thil a si. Taluk nih North Korea hi ningcang loin kan i pehtlai hna lai lo. Nuclear program nan zulh peng ahcun Taluk nih kan in zulh kho ti hna lai lo an ti.
Asinain North Korea nih cun 'kan nuclear program hi kan nunnak tluk in a biapi ah kan chiahmi a si i, Taluk he pehtlaihnak ngeih peng kan duh ko tiah kan in nawl bal hna lai lo an ti ve hna. A sullam cu Taluk he kan i pehtlaihnak cu a herh ahcun cat kho seh, asinain kan nuclear program cu kan ngol lai lo ti duhnak a si.
Taluk Ministry of Foreign Affairs biachimtu Geng Shuang zong nih fiang tein a chimmi cu 'North Korea nuclear ngeihter kan duh lo. Asia ah daihnak le himnak kan duh' tiah a chim. Ref: CNN News.