Ramleng a khualtlawnnak in President Trump cu zarhpini ah Inn Raang ah dam tein a phan. Ni kua rau in Middle East in Europe tiang khual a tlawnmi cu hlawhtling taktak in a lim. Trump nih cun 'ka khualtlawn cu America caah hlawhtlin taktak a si' a ti.
'Kan i zuam i hlawhtlinnak nganpi kan chuah pi' tiah twitter in a tial. Asinain Russian he an i pehtlaihnak kongah Inn Raang a buai peng rih. FBI Director thing James Comey kong zong an buai tuk rih lo. Trump nih cun media ruangah an si a ti. Congress hmaiah Comey zong bia a chim deng cang lai.
Trump nih twitter in a tialmi cu 'Inn Raang in buainak a chuak lengmangmi hna hi a deumi media hna ruangah an si. Media nih lih in an ser chawmmi thawngpang hmaan lo lawng te an si' tiah a tial. 'Sources nih a chim' timi biafang nan hmuh paoh ahcun media deu an si ti nan theih lai tiah a tial chih.
'Sources nih a chim' an ti i ahodah a chimtu a si timi an langhter kho fawn lo. Cucaah a um lomi an umter chawmmi lawng te an si. Media hmaan lo nih thawngpang deu an ser chawmmi an si' tiah a tial.
Russian he an i pehtlaihnak kongah an hlat chuahmah lio hna an si. Trump tupa zong a si i a ruahnak petu zong a simi Ivanka Trump pasal Jared Kushner zong an hlat cang. Jared Kushner zong hi Russian Ambassador Sergei Kislyak he pehtlaihnak a ngeimi an si. Hlathlainak an tuahmi hi a rau rih ko lai riahtuantu upa leiin an chim. Ref: VOA News.