US nih North Korea a kah ahcun Iran nih a bawmh lai ti a si cang. North Korea le Iran an tan ti ahcun US caah tihnung ngai a si ko lai tiah Director of strategic defence initiative Henry Cooper nih a chim. Hi hna pahnih hi 'sualnak a chuahnak ram' tiah US nih a uah cangmi an si.
President thing Ronald Reagan le George W. Bush chan ah missile runvennak program le Strategic Defense Initiative ah riantuantu upa hruaitu pakhat a rak si.
Cooper nih a chimmi cu ''Iran le North Korea hi nuclear ngeih a duh pengmi zong an si i, US a kan huatnak zong aa khat bak te an si. An lungput le an i pehtlaihnak zong tluk ceo te an si. Nuclear ralthawhnak lam kan phanh taktak ahcun an tang ti ko lai tiah a ti.
Iran a siah North Korea a siah US an huatnak hi a luan cia in tuanbia a ngei cangmi an si i. US an hrocer ning zong aa khat bak te an si. Vutcam le meidap ah kan ser lai tiah an rak hrocer lengmang cang. Iran nih Norh Korea hruaitu Kim Jong-un hi a taw in a sawh lengmang an ti.
Cooper nih ralrinnak a chimmi cu 'van (space) ah satellite le nuclear an chiah ahcun kan mei le kan i chawnhbiaknak (communication lines) an hrawh dih khawhmi a si. Ralkap lei expert zong nih US himnak caah ral a si cem ko tiah an ruahmi cu mah hi a si.
An satellite ah nuclear an chiah hnu cun US nih zeihmanh kan tuah khawh dingmi a um ti lo a ti. Mr Cooper nih a chim thanmi cu Russia, Iran, Taluk le North Korea nih satellite ah nuclear chiah i US hro a kan timhnak caan hi a sau cang' a ti. Ref: Reuters.