ISIS hruaitu nih an ralkap hna cu thirkhanh bom ser ding in nawl an pek cang hna. Bom an chiahnak bawm chungah thirkhanh tampi in chia u law bom a puah tikah mipi tampi that hna seh an ti.
Zeitin dah nan tuah lai i, zeitluk in dah tih a nun bik lai timi tiang in an chimh hna. A tuah ning cang tiang in an cawnpiak hna i an chimh dih hna. A min ah 'ball-bearing bom or nail bom' tiah an auh.
Syria a siah Iraq a siah US le a hawile nih fak chin lengmang in raltuknak vanlawng in an phomh hna tikah ISIS hrannak a zual chin lengmang cang. A kua chungah vom luh hnawh bantuk a si cang.
Manchester bompuahnak an zoh tikah an bom hi a thazaang a thawng tuk an ti. ISIS expert Kyle Orton nih a chimmi cu 'bom a puahtu hi bawmtu ngei lo cun a bom a ser thiam lai lo. An bom serning zong tihnung tuk.
Zeitluk in dah bom thazaang a thawn lai tiin an sermi a si tiah a chim. Ramdang ah ISIS an hrang chin lengmang cang tiah zumh a si. ISIS lei hrim in 'biakinn, bank, tbk hna le mipi tamnak hmun paoh ral ding in thawngthanhnak an tuah cang. Ref: The Express.