Manchester an phomh khawh hna in ISIS nih US kan phomh than cang hna lai tiah an thanh cang. ISIS biachimtu nih a chimmi cu 'ram kip um kan unau hna, nan ral kha namte in sawh hna u, inn cung in hlonh hna u, motor in pah hna u' tiah video in a rak chim.
ISIS nih US phomh ding in timhnak an ngeihnak hmun hna cu Khrihfabu kip, Airport, bank le sizung hna an si. An phomhnak ding US khua zong an rak langhter len hna. Manchester ah Salman Abedi nih Ariana Grande concert a phomh hnuah US leiah kan i mer cang lai a ti.
'US le a hawile nih an raltuknak vanlawng in a kan kah i kan fale an thi, kan nutar le patar zong an thi, kan inn le kan khua an kan hrawhpiak dih hna. Nan celh le celh lo tiang in kan in phomh ve hna lai. Kan thinsen a luan bantukin nan thisen kan in luanter ve hna lai' tiah fak ngaiin a chim.
Ram kip um kan unau hna, an umnak hmun kip ah lehrul rak cham hna u. Rak i din hlah u, rak dai hlah u. Lehrul rak cham hna u. 'Vailam tung a phunmi kip rak phomh hna u. tiah forhfialnak bia zong a chim chih.
Manchester bompuahtu Abedi a pa le a unau pa zong an tlaih cang hna. ISIS he nan i pehtlai tiah sual an puh hna. Britain zong a ramchung runvennak a thanchonter chin lengmang. Ref: The Express.