North Korea nih US a phomh hmasa te lai tiah expert nih an zumh cang. Taluk ralrin peknak an zulh veve lo ahcun US zong Korea hrawngah a um lengmang i North Korea lung a hrinter lengmang peng ko ahcun a phomh te ko lai an ti. A hrang chin lengmang cang tiah an hmuh.
Kim Jong-un nih a mipi a uk ning hna hi an zoh lengmang tikah thir fung bak in a uk hna ti a si. Ramchung nawlngeihnak a tlaihnak in a tu tiang ah a riantuantu upa a thahmi hna hi 350 leng an si cang. Zu rim an nam ruang le a ngut ruang tiang ah a thah hna.
A thah ning hna zong tih a nung. Miakpi tbk in a kah hna; rocket tbk in a kah hna. A hmaika a ther in an ther. Tuaktan thiam Darren Stanton nih cun 'Kim Jong-un nih US zong hi a phomh hmasa te ko lai' tiah fiang ko in a chim.
'Zeuruangah dah a kah hmasa te lai ti ahcun a riantuantu upa le a ralkap upa hna hmaiah kun a duh te lai lo i ralthat le thangthat cuh in US hi a phomh tlur te ko lai. Hnulei ah a kir hrimhrim lai lo' tiah a chim. 'Kim Jong-un lungput hihi a si ko' tiah a chim chih.
'Bia a chim lioah a kutbengh a tha lomi cu a thah hna i, a ngumi zong a thah hna i zu rim nam zong a thah hna i palh sualnak a tuahmi zong a thah hna ahcun zei bantuk minung dah a si tuak cio ko u' tiah a chim chih. A unau taktak a simi Kim Hong-nam zong Malaysia ah a thahter cang hna. Ref: The sun.