North Korea le US karlak entainak dongh thiam dawh a si ti lo. Pakhat le pakhat phomh lawng a tang cangmi dirhmun ah an um chin lengmang. North Korea nih US raltuknak vanlawng kahnak missile a hneksak than cang.
North Korea nih US raltuk vanlawng kahnak caah missile fa deuh pawl khatthup in a ser than hna. Zarhpini ah a hneksak than hna. US raltuknak vanlawng kan hrawh dih hna lai tiah KCNA nih a chim.
KCNA nih a tial thanmi cu 'US raltuknak vanlawng nih van poah hi kan uk dih ti phun in an i raltha tuk. An raltuknak vanlawng vialte kan hrawhpiak dih cang hna lai' a ti. Tuan deuh ah US raltuknak tilawng vialte phomh ding in ka missile timh cia an si cang a rak ti.
Atu cun raltuknak vanlanwg kahnak (anti-aircraft) thar a vun hneksak thluahmah than cang. US raltuknak vanlang vialte kan phomh dih hna lai tiah a tial than cang. An hriamnam thar cu Academy of National Defence Science nih an hneksak i Kim Jong-un nih a tel pi hna.
'Kan ral hna chunmang vialte a hrawktu hriamnam an si lai' tiah KCNA nih a tial chih. North Korea hriamnam hi an sang chin lengmang cang tiah expert nih cun an chim. Sau deuh ahcun US caah tihnung chin lengmang a si lai tiah an hmuh. Ref: KCNA.