Mobile chan, facebook chan, media chan tbk kan vun phan i Laimi nih tuanbia tampi kan ser hna. Thatnak tampi a kan pek lioah chiatnak zong tampi a kan pek. Asinain chiatnak a kan pekmi le thatnak a kan pekmi cuai thlai ahcun thatnak kan hmuh tam deuh ko lai.
Lai tlang pumpi hna hi Inernet Line tha chinchin seh law zeitluk in dah facebook nih Laimi kan sersiam chinchin hnga timi hi ruah khawh a si. Minung le minung zong a kan pehtlaihter i vawleicung thawngpang cu dong cat loin kan rel kho cang. Lai Tlaang pumpi nih duhdim tein internet ngeih khawh zuam a hau.
Rev. Tuan Peng Thang nih facebook kong a chimmi zong hi ruah phu cu a si ko. A chimmi cu 'facebook hmang pawl research an tuah hna i hmaanthlak tampi tar a hmangmi hna khi mifim pakhat hmanh an um lo an ti' tiah a chim. A chim thanmi cu 'facebok tar a thawng tukmi hi rengsang zong an um lo' a ti. Hmanthlak tar a thawng tukmi caah i phuhrun lo awk a tha lo hih!
Laimi nih faceebook kan hman ning a zoh tikah a lungdong ngai timi a lang. A chim thanmi cu 'na ek na ek lio na post lo lawng bak a tang. A neh hnuah cun ekinn hi a lengleiin na thlak lai i a chungah ka thu tiah na post te lai tiah ka ruah' tiah fak ngaiin a chim.
Laimi facebook hmanthlak kan tar ning a zoh tikah tam deuh nih kan tuah tawnmi a chimmi cu 'nau nu he pumh kal lai ah kan i zukzek ko hih.. pumh chuah ah vun ti hoi ko hih. Kal lai ah voi khat .. chuah hnuah voikhat .. ih lai voikhat .. thawh kaa ah voikhat .. umhar celh lo ahcun vun ti hoi ko hih hei ti.. tiah tha lo lak tein a chim.
TCP Comment: A phungchim kan hmuh i kan theih khawh colh lengmangmi zong hi facebook ruangah a rak si. Tam deuh a zohmi cu tam deuh in a phungchim zong an theih deuh ko lai. Facebook kan hman ning a soiselmi naak in facebook nih thathnemnak a kan pekmi a tam deuh kho men ko.