President Trump philosophy le kal pimi hi ramleng a chuah hnu in a fiang chin lengmang. Tapung dohnak caah lam a zulhmi le Israel le Palestinian buainak donghternak caah a zulhmi lam hi phundang ngai a si. Cu hlan President hna nih an zulh bal lomi a si.
Kum nih minung hi fimnak a pek an timi hi President Trump ah hin a lang ngai. President a tuan hlan le a tuan kaa ahcun an soisel tuk nain atu hnuah a kal pimi lam pawl hi zoh lengmang tikah a puitlingmi ruahnak an si. Cun President Trump hi Pathian a duh i biaknak hi aa fiang ngaimi a lo.
Saudia Arabia ah bia a chim i a biachim an tha kho tuk. Biapi ah a chimmi cu tapung dohnak kong a si. 'Tapung riantuannak hi sual riantuan a si' tiah fiang tein vawleicung Muslim hruaitu hna hmaiah a chim. Israel le Palestinian karlak buainak le huatnak zong hi misualmi hna ruangah a si a ti.
Mi tha paoh kan i fun hna lai i sualnak kan doh lai tiah a chim. Zeitin dah kan doh lai tiah a chimmi cu biaknak min a tlir. Cu hna cu Khrihfami hna biaknak, Islam biaknak le Judaism biaknak hna an si. Hi biaknak pathum kan i fun khawh ahcun sualnak hi kan tei khawh ko lai tiah fiang tein a chim.
Mah ruangah Islam khualipi Saudia Arabia a tlawng i, Judaism khualipi Israel zong a tlawng i, Khrihfami hna khualipi Pope Inn Vatican zong tlawn aa timhnak hna hi a si. Biaknak pathum hi kan i fonh ahcun sualnak kan tei lai; tapung riantuannak kan tei lai i, Israel le Palestinan buainak zong kan donghter lai a ti.
Pathian kong a chim lengmang. Pathian a zummi nih cun sualnak kan tuah ding a si lo. Sualnak lam a zulmi hnn caah sunparnak a um lo. Sualnak lam na zulh ahcun na nunnak a pakpalawng a si ko lai. Na nunnak zong a tawi lai i, na tlaurua zong sualmawhphurhter a si ko lai tiah a chim.
Cucaah zumhnak aa tlaihmi paoh nih cun upatnak, pakhat le pakhat i intuar khawhnak kan ngeih hrimhrim an hau. Ref: TOI.