US cungah kan thinhunnak chuahter ding in timh cia kan si cang. Kan hruaitu Kim Jong-un nawlchuah lawng a tang. US a donghnak caan a nai cang tiah North Korea cozah media nih US an vun phomh than hna.
An tial thanmi cu 'Kim Jong-un ralkap nih a pakpalawng biachim kan hmang lo. US nih nan ngamh zat kan ngam. Lungput ah a derthawmmi (mentally weak) US hi vutcam ah kan in canter hna lai. Kan ralkap timh cia in an um cang.
Kan hruaitu sangbik Kim Jong-un nih phomh cang hna u tiah nawl a chuah cun kan thazang dih-umnak in kan in phomh colh hna lai tiah KCNA news nih a tial. Nizan an newspaper nih a tial thanmi cu 'Korea hrawng US raltuk tilawng pawl hna hi nichuak an si.
Lungput in an derthawm pinah an donghnak i vansan cawlcangh le hrocernak bantuk menmen an si. Kan ralkap nih an phomh taktak te hna lai.
Kan ralkap nih an phomh tik hna ahcun mei rili ah an cang te lai. An hrawh dih cikcek hna lai. A thawng tukmi kan ralkap nih a pakpalawng bia an chim lo. A donghnak raltuk ding in timh cia kan si cang' tiah an tial. Ref: The Express.