Nizan ah US le a hawile raltuknak vanlawng nih Iraq i ISIS hmunkhurnak fak taktak in an va phomh than hna. Salman Abedi nih Manchester ah bom a puah hnu cun an thinhung kho tuk cang. SIS 29 an thah than hna.
Iraq i Baaj ah an va phomh hna i ISIS ralkap 29 kan thah khawh hna tiah Iraq ralbawi Mohamed al-Malki nih a chim. 'An motor, an hriamnam le an ralkap 29 kan hrawh dih hna' tiah a chim chih. Baaj hi Iraq le Iran ramri ah a si i, ISIS hmunkhur pakhat a si.
Muslim ram kip ah ISIS zong an zam thluahmah cang tiah sungthoh lei upa nih an chim. US le a hawile nih an raltuknak vanlawng in an phomh chin lengmang hna tikah video in ram kip um an hawile pawl an forhfial lengmang cang hna.
Nizan tihni ah ISIS nih video in ram kip um an hawilei pawl cu 'nan ral hna innchung ah va that hna u, market ah that hna u, lam kip ah that hna u, an i pumhnak kip ah that hna u' tiah an auh hna. Muslim thla thiang Ramadan an hman lio a si.
'Hi bantuk kan Muslim thla thiang sunglawi caan ah zumhnak pialsual poah that hna u. Nan caan sunglawi a si. Nan laksawng nih an in hngah ko hna' tiah an forhfial hna. Ref: The Sun.