Ni kum le tu kum cu sianginn sayamah thangchiatnak nih America ram pi a hninhseih ngaingai. Atu le a tu ti awk in sianginn sayamah le an sianghngakchia an sual ti le an kong ceih lawng te an si. Thonginn ah saymah zong an tam ngai cang.
Amerca ramchung kip ah thongthlami sianginn sayamah an tam ngai cang ti a si. US upadi a thatnak cu hi bantuk zawn tiangah sayamah te hna kut in sianghngakchia a runven. Saya/sayamah nih sianghngakchia tuaitam le harnak pek an duh lo.
Anmah zohkhanh ding in pekmi hna le cawnpiak dingmi hna kha thil thalo leiah an mer pi hna i an sual pi hna ahcun upadi nih dan a tat lengmang hna. Sayamah Alexandria Vera cu a sianghngakchia kum 13 minung he sex a tuah lengmang caah kum 10 thong an thlak.
Nau zong a pawi i aa then ding a si. Christina Albini zong a sianghngakchia kum 13 he sex a tuah lawng si loin a taklawng hmanthlak le a dangdang message in a kuat lengmang ruangah thong an thlak ve lai. June 28 ah a bia chahpiak a si lai.
Ashley Parkins Pruitt zong thong a tla ve lai. A sianghngakchia pa pathum he an tlong an leng i an tuah i a taklawng hmanthlak zong a kuat lengmang hna. Kimberly Naquin, 27 zong a sianghngakchia kum 16 he thla 11 chung sex a tuah lengmang ruangah kum 5 thong a tla lai.
Novak, 32 hi pasal ngei cia zong a si i fa pahnih ngei cia zong a si. A sianghngakchia kum 16 he sianginn cacawn caan ah voi thum tiang an tuah pinah thla thum chung pehtlaihnak an ngei. Kum 18 thong an thlak lai. A fale pahnih zong a zohkhanh kho ti hna lai lo ti a si. Ref: The express.