An tei bal rih lomi boxing thongh thiam Floyd Mayweather le chawh thup thongh a thiammi Conor McGregor cu August 26 ah Las Vegas ah thongh ding in hnatlaknak an tuah cang. Nithumni ah fehternak an tuah cang.
Tangka tam tuk a chuak than lai tiah an zumh. Mayweather, 40, cu voi 49 aa thongh chungah teitu a ngei rih lo. Irish pa McGregor, 28, zong aa zumh taktakmi a si. UFC Lightweight champion pakhat a si.
Mayweather nih cun 'official a si cang' tiah twitter ah a tial. Aa thongh dingmi pa he hman an i thlak timi zong a vun langhter chih hna. 'Mayweather nih a tial hlan deuh ah khan McGregor nih a tial hmasa. 'Thongh ding in timh kan si cang' tiah a tial.
Hi hna pahnih an i ngiarnak caan a sau cang. Kum hnih chung bakte an rau. Kan i thonghnak ding ah $100 million a hau lai tiah an chim veve. Nithumni in cun tangka kongah an lungtling cang rua. "A hnatla tuk cang' ti a si.
McGregor nih cun 'ka tei ko lai. 100% in a fiang ko' a ti. Mayweather zong hi aa zum taktakmi a si. August 26 cuan cio ko hna u sih. A caan nih bia chim te ko seh! Ref: Reuters.