Donald Trump Le Hruaitu Pahra Hna Refugee Hmanthlak

Syrian hmanthlak suai thiam nih President Trump le vawleicung hruaitu pahra hna cu refugee ah a canter hna i an refugee hmanthlak a suai. Vawleicung minthang ram zong a si i, ram rum taktak zong a si i, khuatlung an tam biknak ram Dubai ah a tar.

Abdalla Al Omari hi Belgium ah refugee in a ummi a si. Refugee tuarnak le harsatnak tampi a tonmi zoh chih in an hmanthlak a sermi hna a si. 

Trump hmanthlak a suaimi cu 'refugee pakhat nih a fate aa tlaihmi le a thilri aa phurh pahmi bantukin a suai. A hnulei kengah pherzual tom khat aa phurh pah. North Korea hruaitu Kim Jongun zong aa tel.

Russian President Putin le Syrian President Assad zong a suai chih hna. Putin hi Syrian raltho pawl a phomh lengmangmi a si. Refugee inn ngei lo pa bantukin a suai. Assad cu ti chung in a tla i a rak chuakmi bantukin a suai. 

A khamhtu ding ah catlap tilawng a suai i a tlaihter. Iran President, Israel Prime Minister le President thing Obama ti bantuk zong a suai hna i rawl dawnh ah aa tlaangmi refugee bantukin a dirter ve hna. 

Hmanthlak suaitu Abdalla Al Omari nih a chimmi cu 'an hmanthlak ka suaimi hna hi ka upat lonak hna si loin minung an sinak theihter duh ah ka suaimi hna an si' tiah a ti. Mipi leiin thangthatnak a tong tuk hringhrang. Ref: CNN News.