Real Madrid le Partugal star Cristiano Ronald nih 2011 in 2014 chung vialte $16.4 milion tluk tam a simi tax a pe lo tiah Spain nawlngeitu nih sual an puh. Spain biaceihtu nih cun 'tax a pek lomi hi lungfim tein a hrial hramhrammi a si ko' tiah a chim.
Vawleicung sport lei minthang ah a man sang bikmi Cristiano Ronald 32, cu Spain a um chung vialte tax pek a hrial lengmang. 'Ramdang minung kan ram ah an um tikah tax phung cu an zulh ding hrimhrim a si' tiah Spain ngunkhuai lei nawlngeitu cachuah nih a tial.
Spain biaceihtu office leiin an chimmi cu Spain a um chung i a hmanthlak man a hmuhmi ngunkhuai tax a pe lo. Timh ciammam tein a hrialmi le pek a timh lomi a si a ti. Argentina le Barcelona star minthang Messi zong $2.3 million a pe lo tiah taza an cuai ve.
Forbes nih a tial ning ahcun 'kum khat chungah $93 million a hmuh. Cu chungah a lahkhah $58 million le an hlan i hnatlaknak a tuah pi cangmi chungah $35 million a si a ti. Messi kha thla 21 chung thongthlak ding a si i, a tla than lo.
Cristiano Ronaldo cu tam tuk tax pek loin a um caah Messi naak in a let i a sualnak a lian lai. Spain ngunkhuai phung pali a buar ti a si. Fiang deuh in biachahnak a ra than te lai. Ref: CNN News.