US nih South Korea ram runvennak caah THHAD Missile a zuarh hna. Zahan thla ah khan an nunter cang. South Korean ralkap upa nih an chimmi cu 'North Korea nih kan missile a kan sungthohpiak. A kan sungthohnak drone zong kan hmuh' an ti.
Ningani ah South Korea ralkap nih North Korea drone a rawkmi an hmuh i a chungah Sony camera zong kan hmuh. A chungah hmanthlak a za leng a rak um cang tiah an chim. Cu vialte chungah THAAF missile hmanthlak pahra hranwg a um.
THAAD missile hi North Korea nih South Korea a kah sual ah tiah a runvennak caah an chiahmi a si. US nih a peknak hna a sau rih lo nain North Korea nih a rak hlat colh hna. Asinain a sungthohnak hna ah North Korea drone detsi a dih i amah tlak in a tla tiah South Korea official nih an chim.
North Korea nih South Korea hi voikhat lawng a hlat lo. Voi tam ngai a hlat cang. 2014 zong ah South Korea hlat ding in a drone a rak thlah than i a rak tla. Kan hnu thla zong ah khan South Korea ramri leiah a rak zuangmi thil an hmuh than.
South Korean ralkap nih an kah. Zeidah a si timi fiang tein an thei lo. North Korea drone a si men lai tiah an lunghrinh. Nizan tihni ningani zong ah North Korea drone an hmuh than. South Korea a rak sungthohnak a rak si diam! Ref: CNN News.