Manchester concert bompuah hnu in Britian nih fak taktak in ISIS umnak hmun voi 25 leng bakte an phomh hna. ISIS radio station le hriamnam le motor tam lakte an hrawhpiak hna. Nizan tihni nirukni ah ISIS pathum nih an mipi an thah than hna.
Prime Minister May thin a phawh tuk cang. 'A za kan timi cu a za takak cang' tiah fak taktak in ISIS a phomh than cang hna. Tu zarh chungah ISIS umnak hmun 35 leng bakte RAF raltuknak vanlawng nih an phomh than hna.
Tutan Britian Royal Air Force nih an phomh ning hna cu a fak tuk cang an ti. Hmun hnih ah an kah hna. Syria i ISIS khuapi Raqqa le Iraq i Mosul khuapi ah an si. Nithumni ah khan Tornados le Typhoons raltuknak vanlawng in Raqqa le Mosul an kah.
ISIS 17 an thah hna, an hriamnam hmun an hrawhpiak hna. ISIS nih meithal in an rak kahnak inn pi zong cim viar an phomhpiak hna. Ralkap upa lei nih an chimmi cu mipi kan khawnden sual hna lai ti kan phang tuk. Kan i ralring tuk tiah an chimh chih.
Kan ngol lai lo. Kan hrawh dih hna hlan tiang kan phomh hna lai. US le kan hawile he kan pehzulh lengmang rih lai tiah a chim chih. Ref: The Express.