Lung rialnak tank nih minung rial i thih lo i pumsa zong rawh lo cu vawleicung ah khuaruahhar bik a si. Zoh ngam zong a si lo. Palang kuai an phah dihmi cungah minung pakhat angki loin a bawk i a cung in tank nih a rial.
Minung a zaza nih an zoh i a zoh ngam lomi lawng te an si. Tih a nung kho taktak. Zoh ngam zong a si taktak ko lo. US i Las Vegas ah a si. Minung fa palang kuai cungah bawh i a cung in lung rialnak tank nih rial cu ruah ngam hmanh a si lo.
Asinain a ke hram in a vun rial thluahmah i a lu tiang a rial. A maan dih lai i a thisen lawng te a luang lai tiah an ruahmi cu a thi lo. A taksa cu a fak ngai ve. A hawile nih an vun bawmh i tlawmpal ahcun a tho kho diam than ko.