Syria cozah hawi a simi Hezbollah tapung nih nithumni ah US ralkap kah ding in an hro cang hna. Naite ah US ralkap nih ri kan sermi nan buar tiah Syria in nichuah leiah Syrian ralkap an kah hna. Syrian ralkap an thinhung ngai.
Lehrul kan cham hna lai an ti. Syrian ralkap le Hezbollah tapung nih nithumni ah nawl an chuahmi cu Syria ramchung ah US ralkap nih ri sermi an buar ve i 'red line' an tan ahcun kan kah hna lai' tiah kan phomh colh hna lai an ti.
US ralkap innpi Pentagon leiin an chimmi cu 'buainak ser lo ding kan timi hmun le ri chungah Syrian ralkap le an hawile an rak lut. Mah ruangah kan kahmi hna an si' tiah a ti.
TV in an chimmi cu 'US ralkap hi kan duh tik poah ah a kap kho kan si. Kan drone nih US umnak an theih dih hna' tiah a chim. An tuak lengmang tikah Iran drone a si lai tiah an zumh. Iran nih Hezbollah le Syrian ralkap a bawmh lengmang hna.
Iran hi tapung bawm lengamngtu an si caah nizan i ISIS nih Iran parliament a kah ah khan President Trump nih cun 'Iran nih a tuh bantukin a zun' tiah a phomh ve cang hna. Minung 12 bakte an thi. Fak ngaiin ISIS nih a kah hna a si. Ref: TOI.