London inn sangpi a kangh dihmi le minung 12 leng an thihnak le 50 leng hliam hma an tuarnak nih ISIS di a riamhter tuk hna. Social media kip ah teinak puai le lunglawmhnak bia an chim. 'Hell mei ah an can tiang kan hrawh dih cikcek lai' tiah an chim chih.
Ralkap ka si tiah facebook a hmangmi pah nih a tialmi cu 'Iraq ah bom an thlak, Afghanistan ah bom an thlak, atu cun anmah caan a si cang' a ti. 'Philh hlah u. Minung pakhat nih a tuhmi kha a ei ko' tiah a tial chih.
'Minung pakhat nih a tial thanmi cu 'hell le thatnak an i dohnak a si' a ti. 'Kan lunglawmhnak langhtertu a si' tiah minung pakhat nih a tial than. ISIS nih fak taktak in an phomh hna hnuah atu bantukin an inn pi a kangh thanmi cu ISIS caah cun diriamh lo awk a tha lo.
London inn kangh kongah zeiruangah dah a kangh timi an hlat cuahmah lio a si. London Fire Commissioner Dany Cotton nih cun 'kum 29 chung mei lei rian ka tuannak ah hi bantuk ka hmu bal lo. A fak kho tuk' tiah a chim.
Cheukhat chim ning ahcun inn khaan chungah bom pahnih a puah hnuah a kangmi a si an ti. Ref: The Daily Mail.