Britian cu thla thum chungah voithum bakte an phomh hna i khuacimui in an tuah cang hna. Voithum an phomhnak hna ah an tuar taktak cang. ISIS nih ca an kuat hna i an duhmi pariat an hal rih hna. Thisen kan luanter chin lengmang lai an ti.
Ca an kuatmi hna ahcun newspaper cu kuanfang in an dumter dih. A cungah ISIS aalan an thlai i a tangah AK47 an chiah. An chimmi cu 'a ra dingmi hi tih a nung chin lengmang rih lai. Bom a phunphun in kan in phomh thluahmah cang hna lai' an ti.
'Hi vialte hna hi ni fatin nan nunnak ah nan ton cang lai. A donghnak ahcun nan celh lai lo i nan tlu te lai' an ti. Tihnung chin rihmi cu 'ni sarih chungah kan duhmi pariat nan tuah lo ahcun thisen a luang lai' an ti rih hna.
An halmi lakah aa telmi pathum hna cu, pakhatnak an halmi hna cu 'ISIS sinah hriamnam a rannak in zuarh hna u. Pahnihnak ah cun tapung riantuannak ah aa telmi nan thongtla vialte luatter dih hna u. Paathumnak ah cun Muslim ram ah Muslim paoh zalong tein umter cang hna u' an ti hna.
Kan in halmi nan tuah lo ahcun nan celh lai lo. Nan umnak kip hi hell mei ah kan ser dih lai. Ni sarih lawng caan kan in pek hna tiah an hrocer than hna.