Mah video hi ISIS pathum nih vainam in London mipi an tuk lio hna a si. Mipi an zam thluahmah lio le an dawi thluahmah lio hna ah motor in police an rak tli colh i an kahnak hna a si. Tih zong a nung i tuk zong a sum kho taktak.
CCTV nih a thlakmi hna a si. Motor in police an chuak i a rannak in mipi tuk ding in a dawi lenmi ISIS pathum cu an tlik hnawh colh hna. Anmah zong an rak tuk manh dengmang hna. An rak tlik le police an tlik aa tong celngel i hmaitonh bak in an i tong.
Kap manh hna hlah seh law police pahnih cu an thah manh hrimhrim hna lai. An kah manh hna hnu hmanh ah aa tengmi ISIS pa nih police pah zong teng lak in a pah manh. A lau khawh ning cu ka thi cang ti tiang hmanh in a ruah men lai.
Asinain ISIS minung pahnih cu an thi colh. An thi maw thi lo tiah a va zoh hna i a chuih chih len hna. An pathum tein hma khat ah an thah colh hna.
Mipi an dawi hna i an tuk pah thluahmah lio hna ahcun 'Allah caah kan tuahmi a si' tiah an au pah thluahmah. Bom tuamnak phawi deu an i hruk chih. Tih an nung hrimhrim ko. Ref: The sun.