Hlasak thiam Katy Perry le Taylor Swift karlak entainak a um caan hi a sau cang. Aa rem lo ngaimi an si. An i seh i an kheuh pah lengmang. A ruang cu Katy nih Taylor lam thiam pawl a fir lengmang hna ti a si.
Asinain an i huatnak le rem lonak donghter awk ah Katy Perry nih Taylor Swift cu ngaihthiam a hal cang. 'Ka ngaihthiam cang. Talyor cungah palhnak le that lonak ka tuahmi vialte cungah kaa ngaichih dih cang' tiah hlasak thiam Katy nih a chim.
An tuanbia kha vialte hnulei ah Katy nih chiah a tim cang. Huatnak le rem lonak aa phurh kho ti lo an ti. 'Katy nih a thar in pehtlaihnak ser a duh caah ngaihthiam a hal cang' tiah chunglei kong thei nih a chim.
The Thrive Global Podcast ah Katy nih a chimmi cu 'ka ngaihthiam dih cang. That lonak ka tuahmi vialte cungah kaa ngaichih. Amah zong nih a ka ngaihthiam dih ve lai tiah ka zumh. Ka dawt tukmi a si. A hmailei caah thatnak ka duhpiak' tiah a chim.
Tay Tya leiin bia lehnak a ra rih lo. Bia dawhdawh in a rak leh ve te lai tiah an zumh. Ref: The sun.