North Korea hruaitu Kim Jung-un thah an timh timi thawngpang a leng chin lengmang cang. Kim Jong-un zong a thinphang chin lengmang i runvenggtu minung tam chin lengmang in a hman cang hna. Mipi lakah langh le chuah a ngamh tuk ti lo.
South Korea lei sungthoh news nih a tialmi cu North Korea hruaitu Kim Jung-un nih ramchung ah tihnung minung an um maw um lo tiah a ralkak pawl a hlatter lengmang hna. Ramchung ah thlithup sungthoh le thah timtu an um maw um lo timi an kawl cuahmah lio hna a si a ti.
2013 hnu cun Kim Jong-un cawlcangh aa dang chin lengmang cang. Lengah a lang tuk ti lo. A langh caan hmanh ah congtu tam chin lengmang in a hman cang hna tiah South Korea upa Lee Cheol-woo nih a chim.
March thla chungah US Special ralkap (Navy SEALS) timi cu South Korea ah an rak phan. Anmah hi tihnung taktakmi a si. Thah an duhmi minung an um tik paoh ah thlahmi le hmanmi an si. Al Qaeda hruaitu Osama Bin Laden a thattu zong US Navy SEALS team pawl an si. Ref: Daily.