London ah inn dot 24 saang a kang thluahmah. Minung paruk an thi cang. Leng chuak kho loin a tapmi zong an tam. Aa hliammi zong 50 leng an si cang. 'Kan fale kan khamhpiak hna u tiah au thawng lawng te a si' tiah minung pakhat nih a chim.
London khuabawi Sadiq Khan nih cun 'tam tuk kan theih lomi an tap rih' tiah a chim. Zan ah aa thokmi a si. Minung pakhat nih a chimmi cu phone mei ceu ah kan ruah tiah a chim. Mah hnu cun a thang chin lengmang cang tiah a chim chih.
'Inn a ngan tuk ca le a san tuk caah minung zeizat dah an thi i aa hliammi an si ti zong kan thei kho rih hna lo tiah mei lei tuanvo ngeitu Danny Cotton nih a chim.
Zeiruangah dah a kangh timi kan thei rih lo tiah tiah a chim chih. Zing leiah cun a ciam pah ngai cang a ti. Atu tiang ah fiang tein an theihmi a um rih lo. Tu kum cu London pangchiat kum hlah maw a si ti awk in a um.
ISIS nih voithum bakte an phomh hna. Atu ah an inn dot 24 sang a si i, inn khaan 120 a ngeimi a kaang than. Ref: BBC.