Russia President Putin nih North Korea hruaitu Kim Jong-un cu a ramri ah vawleicung ah missile sang Buk-M3 a chiah hnawh cang. North Korea missile nih mualpho in a chiah hna hnuah Russian a thinphan chin lengmang.
North Korea nih missile a rak hneksak i Russia in meng 60 hlat ah a tla. Russia nih a theih hlan in US nih a rak theih hmasa. Russia ram runvennak thazaang a der tuk tiah an rak ceih len. Mah hnuah Russia nih North Korea ramri ah a missile system tha taktak a chiah colh.
North Korea missile le nuclear program hi vawleicung nih an tih dih. Hi tluk in Taluk, US le UN nih an tlaihhip i an rengh ko buin a zeihmanh a poi lo. A hneksak lengmang. Atu zong hneksak ding in aa tim ko rih tiah an chim.
Russian upa Vasily Kashin nih a chimmi cu 'missile runvennak kan chiahmi nih North Korea leiin a kan himter cang lai. Kan ram in nichuah leiah kan chiah hmasa cem a si. Missile phun kip in a kan runven cang lai' tiah a chim.
Asinain a nung rih lo. Russian ralkap zong nichuah lei peng ah eksaisai an ngeih lio a si. A rauh hlanah a nung colh ko lai tiah a chim chih. Ref: The Express.