Van le vawlei pumpi kong study a tuahtu US hrambunh National Aeronautics and Space Administration (NASA) scientist nih kan vawlei pi a him lonak kong an chim lengmang cang. 'Van i aa chawk lengmangmi lung (asteroids) le kan vawlei pi aa pahnak caan a nai cang' an ti.
Scientist pawl an thinphan lengmangmi cu kan vawlei pi le van i aa chawk lengmang lung (comets le asteroids) pawl hna hi aa pah sual ahcun kan minung caah nunnak ding a um lo an ti. Hi lungpawl le kan vawlei hi aa pah deng lengmang tawn an ti.
NASA nih an chimmi cu 'kan vawlei pawng te ah a ummi thil thar pahra (10) kan hmuh' tiah an phuan. "Near-Earth objects' tiah an auh. An fat le a ngan an zoh hna tik le zeidah an si timi an zoh hna tikah van i aa zuang lengmang tawnmi lung (asteroids) an si lai tiah an zumh.
Kan vawlei he cun i pah hna seh law minung caah nunnak a um lai lo an ti. Kan vawlei caah tihnung taktak ko tiah an chim. Ref: The Express.