Russian raltuknak vanlawng nih Syria hmunkhur ISIS an phomh ning a fak tuk cang. ISIS 200 leng bakte an thah hna. ISIS nih an hram ah an sermi khua Deir ez-Zor ah Russian raltuknak vanlawng nih an phomh hna.
ISIS 180 leng an thah hna. An hruaitu pahnih an thah chih rih hna. ISIS nih Syrian ralkap umnak hmun kah an timh cuahmah lio hna ah Russian drone nih a theih manh hna i a rannak in an va phomh colh hna.
ISIS raltuknak motor an hrawhpiak hna, an hriamnam phurtu motor an hrawhpiak hna, an zenkuan chiahnak inn pi an hrawhpiak cikcek rih hna.
Deir ez-Zor khua hi Syrian ralkap le ISIS an i phomh lengmang naak hmun a si. Kum thum chung an i phomh cang. Tu zarh chung zong ah khan ISIS hruaitu Abu Bakr al-Baghdadi kan thah cang tiah Russia nih a chim.
Asinain US nih a hmaan le hmaan lo fiang tein kan theih lo tiah an chim. Russian defence Ministry nih cun a hmaan le hmaan lo kan hlat cuahmah lio a si an ti. Ref: The sun.