Voi 14 tiang WWE World Champion a si cangmi Triple H nih British raltha ralkap pa cu upat peknak caah WWE Championship Taisawm a pek. ISIS minung pathum nih namte in a lu, a ke le a paw ah an sawh i thi deng in sizung a phan.
Atu hi a chuah kaate a si. Police a si i a rian in aa dinh lio caan te a si. Asinain ISIS minung pathum nih London mipi an thah thluahmah lio hna ah khan a rak tli in mipi a chanh hna. Amah tu cu fak tuk in an hliamh.
Sizung ah a phan. A dang minung pariat an thah hna. WWE Super Star Sami Zayn zong nih a chimmi cu 'na riantuan caan a si lo nain tihnung tukmi hmun ah naa chia. Zeitluk in dah kan upat. A tihnung tukmi ah na nunnak naa pe' tiah thangthatnak bia a chim.
Triple H nih upatnak caah tiin WWE taisawm a pek lioah a chimmi cu 'mi tampi nih WWE an zoh. Minthang le mi thawng lawng te ko an lo an ti. Asinain Charlie hi a minthang taktakmi le a thawng taktakmi cu a si' a ti. Sizung in a chuak cang. Ref: The Daily Mail.