Minthang evangelist James Robison nih cun President Trump hi vawleicung ah khuaruahhar bikmi minung a si lai tiah a chim. Trump he caan an hman ning a zoh lengmang tik le Trump lungput a zoh lengmang tikah a uar kho tuk.
President Trump hi vawleicung ah mi lianngan bik si ding in lam a ngei. Hruaitu tha le bochan tlak hruaitu lianngan pakhat a si te lai tiah a chim. Family Research Council ah James nih a chimmi cu 'Trump he tonnak kan ngeih lioah suimilam pakhat le cheu chung bakte daidep in kan bia a ngai' a ti.
Capo biatak in a chim chihmi cu 'a nunchung ah cawl lo te le dai tein Trump a thut le a ka aa cip a sau bik a si lai' a ti. 'Trump nih a ka cohlan bantukin cohlan ka tong bal lo. Trump nunnak ah thlaici ka tuh bantukin midang ah ka tuh bal lo' tiah lungtling taktak in a chim chih.
Kum 55 chung Pathian rian ka tuannak ah Trump bantukin toidor le lung thiang le upatnak he a ka cohlangmi le ka bia a ngaimi an um rih lo' tiah Robison nih a chim chih.
'Mr. President, na ka cohlan bantukin Jesuh Khrih na cohlan taktak ahcun vawleicung ah hruaitu lianngan bik le bochan bikmi hruaitu na si te lai' tiah Trump cu Robison nih a chimh. Ref: TCP.