Israel khuapi Tel Aviv ah nithumni zan kha Justin Bieber nih concert a tuah i, Israeli minung 50,000 leng an chuak. Minung an tam kho taktak. Concert hmun cu a khah in an khat hna.
Sizung a phanmi minung pali an um. Minung zakhat leng harnak an tuar. Buainak ruangah si loin an uar tuknak ah luan sual in an au, an lam i an cawlcanghnak hna ah an si.
Cheukhat cu mahhngal lo tiang an lungmit; cheukhat cu thabat in a tha dihmi an um, cuticun a phunphun in sibawi hna bamwh hau dirhmun an phan hna tiah Hebrew-language media nih a report.
Naipawi pakhat cu concert chungah nau ngeih aa tim i sizung ah a rannak in an tlik pi. Mino deuh lawng te an si. Hayarkon Park cu an khat phikphak. Israel ah a voihnihnak concert a tuah a si.
Kum 17 a si lioah 2011 ah voikhat a rak tuah cang. Media he zong an rak buai. Israel Prime Minister Netanyahu he aa tong ding an rak si nain an i tong kho than lo. Ref: TOI.