Brad Pitt hi a nu le pa bantukin Baptist zumhnak in a thangmi a si. Naite ah GQ Magazine nih biahalnak an tuah i a zumhnak zong a phuan i, Khrihfabu cungah a lungtlin lonak le holh-theih loin holh tbk a hmuh ning zong a chim.
Tu zarh nithumni ah GQ Magazine nih biahalnak an tuahnak ah a chimmi cu 'First Baptist in a thangmi ka si. Khrihfami cauk (Bible) phung kan zul. 'Tuah' timi 'tuah hlah' timi phung in kan nung i kan zul' a ti. 'High school ka kai hnuah ka nu le pa cu holh theih loin holh lei Pentecostal zumhnak leiah an i thial' a ti.
'Holh theih loin na holh bal maw?' tiah an hal. A lehmi hna cu 'Ai zeve! minta (Actor) ka tuan hlan a rak si i, ka rak no lio a si kaw, holh theih loin an holhmi cu ka hmuh ko hna. Pakhatkhat khi a nunnak chung in lengah chuahter hna seh law a lo. Pathian, a buai ko.
Theih har taktakmi thil ser cu kan rak si ve ko' tiah zeirel lo nawn khin Khrihfa phung kongah a lungtlin lonak a chim. Khrihfabu a chuah tak cang i, atu cu Pathian a um lo a timi (atheits) a si cang. 2015 ah Telegraph ah a rak chimmi cu 'Khrifa ka si ti lo.
Ka hngakchiat lioah Khrihfami nih ka chungah sualnak an ka rawnh. 'Na tuah kho lo, na tuah kho; na tuah lai lo, na tuah lai timi phung nih sualnak chungah a rak ka luh pi tiah a chim.
A chim thanmi cu 'ka no deuh lioah Khrihfami revival pumhnak ah ka rak kal tawn i Thiang Thlarau nih a kan tlunh kan ti i, kan feeling le kan i nuamhnak kha Thiang Thlarau kan ti; rock concert ah ka kal than i Khrihfami revival bantukin kan ton thiamthiam. Asinain 'rock music cu Satan riantuannak a si a kan ti' tiah a chim. Ref: TCP.