North Korea nih US cu 'tapung' tiah an auh hna pinah US sungthoh (CIA) cu an chungin kan luh hnawh hna lai i, kan hrawh hna lai' tiah an vun hro hna. Naite ah CIA le IS nih kan ram hruaitu Kim Jong-un thah ding in timhnak an ngei tiah an phuan.
CIA le South Korean sungthoh (IS) nih North Korean minung pakhat an hman i 'bio-chemical hriamnam hmang in North Korea hruaitu Kim Jong-un thahter an timh tiah North Korea news nih a phuan.
North Korea chim ning ahcun tlai cang hna seh law a dawh. Asinain zeidang kong zeihmanh fianternak an chim lo. KCNA News nih ningani a tialmi cu 'CIA riantuannak vialte kan hrawh dih lai i, zaangfahnak ngei loin kan thah dih hna lai' a ti.
North Korea ah CIA le IS sungthoh vialte kan tlaih dih hna lai i, kan thah dih hna lai. Zeitin dah kan hloh dih hna lai timi zong timhnak kan ngei dih cang an ti. North Korea ah US le South Korea sungthoh zeizat dah an um timi theih a si lo.
An um len lai timi ruah khawh a si. North Korean sungthoh zong nih ngia ziar cang hna seh law theih lo a si. An thonginn ah US minung pathum a ummi chungah pahnih zong US sungthoh an si tiah North Korea nih cun an chim. Ref: The sun.