North Korea nih US ralrin peknak bia a chim than. Inn Raang (White House) hi vutcam ah kan canter lai tiah an phuan than. Kim Jong-un state media (KCNA) nih biatung an chuah than i, Korea hrawnghrang US cawlcangh hi kan celh ti lo an ti.
US hi Pyongyang hrawh ding in timhnak a ngei lengmang. US Inn Raang pi hi vutcam ah kan ser lai i, Democratic People's Republic of Korea (DPRK) nih zungzal in US hi kan hloh cang hna lai tiah an ralkap upa pakhat nih a chim.
US ralkap 330,000 nih kan pawngkam ah eksaisai (exercise) an kan tuah hnawh. Raltuk an kan timh bantukin a si. North Korea nih kan lehrul ve hna lai. Mi ramdang namneh a hmangmi US sualnak hi fak piin dan kan tat ve lai tiah a tial chih.
US nih a kan huatnak hi dongh a thiam lo bantukin North Korea nih dong loin nuclear missile (ICBM) kan ser ve lai. US nih an ralkap thazaang le raltuknak vanlawng thazaang in a kan hrocer. Lainawng, mifir, sualnak tuah thiam le van damiah hramh hmang (air pirates) tiah fak taktak in an volhpamh hna.
An tial thanmi cu 'US sualnak hi fak taktak in kan phomh hna lai i, a thawng tukmi kha nunnak hmanh a ngei kho ti lo ding in kan thumh hna lai. Key Resolve le Foal Eagle eksaisai an tuahmi hi fihnung le tapung riantuannak a si. An raltha tuk luamman. An sualnak hi kan lakpiak hna lai' tiah KCNA nih a tial. Ref:: The Express.