President Donald Trump nih North Korea nuclear le missile hrocernak hi caan tha lak riangmang in a ralkap thazaang Asia ram ah a pomh dih cang. North Korea hrocernak tiang lawng si loin Asia ram hip (influence) dih a duh caah a si an ti.
Taluk zong a herh ahcun phomh kho ding tiang in timhnak a ngei cang tiah James Petras nih cun a chim. Naite ah North Korea cozah nih American minung pakhat an tlaih than. Minung pali an tlaih cang hna. US zong vutcam ah kan in ser lai tiah an hro than.
Kan ram hruaitu Kim Jong-un thah ding in thlithup khua nan khang tiah sual an puh than hna. International Affair kongah expert a simi James Petras nih a chimmi cu 'North Korea nuclear buainak hi caan tha lak riangmang in US ralkap nih Taluk hip an timh cang' tiah a chim.
Wasington khuakhan (strategy) hi Taluk hip (influence) an duh ruang zong ah a si. Nuclear hmanh in an kah khawh te men lai. Taluk hi Asia ram in a lian chin lengmang i vawleicung ram kip ah a nawlngeihnak le a thil ti khawh a thangchin lengmang cang. Hihi US nih kham a duh a ti.
North Korea kah ding in an hrocernak cu Taluk hip duh ruangah a si. President thing Ronald Reagon le Bush chan ah ruahnak petu Paul Craig Roberts zong nih a chimmi cu US nih Taluk le Russia phomh ding in timh cia peng in a um a ti.
Asinain tuan deuh ah US ralkap leiin report a ummi cu Russia le Taluk he kahnak chuak seh law US a sung lai an ti, zeicatiah hriamnam in an sang tuk cang an ti. Ref: The sun.